ಅವಳ ಬಗ್ಗೆ

ನೀ ನನ್ನ ನೋಡದಿದ್ದರೆನಂತೆ

ನಿನ್ನ ಮುದ್ದು ಮುಖದ ನೆನಪುಗಳು ಸಾಕು

ಬರುವ ದಿನಗಳನು ಉಲ್ಲಾಸದಿ ಕಳೆಯಲಿಕ್ಕೆ,

ಉತ್ಸಾಹದಿ ಮುನ್ನುಗ್ಗಲಿಕ್ಕೆ

ನೀ ನನ್ನೆಡೆಗೆ ನಗು ಬೀರದಿದ್ದರೇನಂತೆ

ನನ್ನ ಕಾಡಿದ ಮುಗುಳ್ನಗು ಸಾಕು

ಹತಾಶೆಗಳ ಮಗ್ಗುಲು ಮುರಿಯಲಿಕ್ಕೆ,

ಹೊಸ ಭರವಸೆಗಳಲಿ ಬದುಕಲಿಕ್ಕೆ

ನೀ ನನ್ನೊಡನೆ ಮಾತಾಡದಿದ್ದರೇನಂತೆ

ನಾ ಕೇಳಿದ ಸಿಹಿ ದನಿ ಸಾಕು

ಆನಂದದಿ ಆಸ್ವಾದಿಸಲಿಕ್ಕೆ,

ಆಕಾಶದಿ ಸ್ವಚ್ಚಂದದಿ ಹಾರಡಲಿಕ್ಕೆ

ನೀ ನನ್ನ ಒಪ್ಪಿ ಅಪ್ಪದಿದ್ದರೇನಂತೆ

ನನ್ನ ತಬ್ಬಿ ಮುತ್ತಿಕ್ಕಿದ ಕನಸುಗಳು ಸಾಕು

ಹೊಸ ಕನಸುಗಳನು ಕಾಣಲಿಕ್ಕೆ,

ಪ್ರತಿ ಇರುಳು ಹುರುಪಿನೊಂದಿಗೆ ನಿದ್ದೆಗೆ ಜಾರಲಿಕ್ಕೆ !!